एपीएफ टोलीद्वारा आगलागी नियन्त्रण

20th March, 2017
रुपन्देही, रुपन्देही जिल्लाको बुटवल १३ कालिकानगरस्थित स–मिलमा चैत्र ६ गते राति भएको आगलागी एपीएफ टोली, स्थानीय प्रहरी तथा स्थानीय वासिन्दाले दमकलको सहयोगमा नियन्त्रणमा ल्याइएका छन् । त्यसठाउँका हेमप्रसाद पाण्डेले संचालन गरेको ‘सुनिल स–मिल’मा विद्युतीय तार सर्ट भई सो आगलागी भएको बताइएको छ । उक्त आगलागीबारे जानकारी पाउनासाथै सशस्त्र प्रहरी बल औद्योगिक सुरक्षा गुल्म बुटवलबाट खटिएको एपीएफ टोली तत्कालै त्यसठाउँमा पुगी आगलागी नियन्त्रणमा सकृयताकासाथ जुटेको थियो । एपीएफ टोली, स्थानीय प्रहरी, दमकल तथा स्थानीय वासिन्दाको सहयोगमा उक्त आगलागी करीव दुई घण्टाभित्र नियन्त्रणमा ल्याइएको थियो । सो आगलागीबाट काठ, फर्निचर, मेसिन लगायत करीव तीन करोड रुपैयाँ बराबरको धनमाल क्षती भएको बताइएको छ ।