एपीएफ टोलीद्वारा चरेशसहित पक्राउ

15th March, 2017
पर्सा, पर्सा जिल्लाको तुल्सीविरुवा ५ बरुवाबाट एपीएफ टोलीले चैत्र १ गते करीव साँढे १२ के.जी. चरेशसहित एक जनालाई पक्राउ गरेको छ । स्थानीय जयमंगलापुर ३ झलमैया बस्ने ३७ वर्षिय शम्भु यादवलाई सशस्त्र प्रहरी बल बोर्डर आउट पोष्ट भिश्वा पर्साबाट खटिएको एपीएफ टोलीले उक्त चरेशसहित पक्राउ गरेको हो । सो ठाउँमा एपीएफ टोलीले जाँच गर्ने क्रममा मोटरसाइकलमा सवार निज यादवको साथमा उल्लेखित परिमाणको चरेश फेला परेपछि उनलाई पक्राउ गरिएको हो । त्यसवेला एपीएफ टोलीले उक्त मोटरसाइकल समेत बरामद गरेको छ । उनलाई एपीएफ टोलीले बरामद चरेश तथा उक्त मोटरसाइकलसहित आवश्यक कारवाहीको लागि स्थानीय प्रहरीमा बुझाएको छ ।