एपीएफ टोलीद्वारा आगलागी नियन्त्रण

23rd February, 2017
काठमाडौं, बारा जिल्लाको गढीमाई नगरपालिका १० नितनपुरमा फागुन १२ गते भएको आगलागी एपीएफ टोली, स्थानीय वासिन्दा र दमकलको सहयोगमा नियन्त्रणमा ल्याइएको छ । सो ठाउँमा रहेको श्री कृष्ण रिफाईनरी एण्ड भेजिटेवल ईन्डस्ट्रिजमा विद्युतीय तार सर्ट भई आगलागी भएको बताइको छ । सो आगलागीबारे जानकारी पाउनासाथै सशस्त्र प्रहरी बल औद्योगिक सुरक्षा गुल्म बाराबाट खटिएको एपीएफ टोली आगलागी नियन्त्रणमा सकृयताकासाथ जुटेको थियो । उक्त आगलागीबाट करीव ४० लाख रुपैयाँ बराबरको धनमाल क्षती भएको बताइएको छ । यसैगरी सुनसरी जिल्लाको नरसिंह स्थित अरविन्द पेपर फ्याक्ट्रीमा फागुन ११ गते भएको आगलागी एपीएफ टोली, स्थानीय प्रहरी तथा स्थानीय वासिन्दाको सहयोगमा नियन्त्रणमा ल्याइएको छ । उक्त फ्याक्ट्रीमा वल्डिङ गर्ने क्रममा सो मिल भित्र राखिएको सनपाटमा लागेको आगो फैलिन गई करीव चार लाख रुपैया बराबरको धनमाल क्षती भएको बताइएको छ । सो आगलागीबारे जानकारी पाउनासाथै सशस्त्र प्रहरी बल सीमा सुरक्षा कार्यालय सुनसरीबाट खटिएको एपीएफ टोलीले उक्त आगलागी नियन्त्रणमा ल्याएको थियो ।