एपीएफ टोलीद्वारा आगलागी नियन्त्रण

09th February, 2017
काठमाडौं, गोठमा बालेको घुरबाट आगलागी हुँदा पर्सा जिल्लाको लखनपुर ५ मा माघ २६ गते तीन वटा गोठ पुर्ण रुपमा जलेर नष्ट भएको छ । त्यसठाउँका दरोगा यादवको गोठमा बालेको घुरबाट उक्त आगलागी भएको बताइएको छ । सो आगलागीबाट करीव सात लाख रुपैयाँ बरारबको क्षती भएको बताइएको छ । उक्त आगलागीबारे जानकारी पाउनासाथै सशस्त्र प्रहरी बल सुरक्षा वेश पोखरीयाबाट खटिएको एपीएफ टोली आगलागी नियन्त्रणमा सकृयताकासथ जुटेको थियो । एपीएफ टोली, स्थानीय प्रहरी तथा स्थानीय वासिन्दाको सहयोगमा उक्त आगलगी पूर्ण रुपमा नियन्त्रणमा ल्याइएको छ । यसैगरी धनुषा जिल्लाको जनकपुर उपमहानगरपालिका १ मा माघ २५ गते भएको आगलागी एपीएफ टोली, स्थानीय प्रहरी तथा स्थानीय वासिन्दाको सहयोगमा नियन्त्रणमा ल्याईएको छ । सोही ठाउँमा रहेको आदुब हुसेनको सिरक डस्ना बनाउने उद्योगमा विद्युतीय तार सर्ट भई उक्त आगलागी भएको बताइएको छ । सो आगलागीबारे जानकारी पाउनासाथै सशस्त्र प्रहरी बल सीमा सुरक्षा कार्यालय धनुषाबाट खटिएको एपीएफ टोली आगलागी नियन्त्रणमा सकृयताकासाथ जुटेको थियो । सो आगलागीबाट करीव दश लाख रुपैयाँ बराबरको धनमाल क्षती भएको बताइएको छ ।