एपीएफ टोलीद्वारा कुखुराको चल्ला बरामद

09th February, 2017
काठमाडौं, रुपन्देही जिल्लाको पोखरभिण्डी २ भटपुरवाबाट एपीएफ टोलीले माघ २६ गते करीव ४८ कार्टन कुखुराको चल्ला बरामद गरेको छ । सशस्त्र प्रहरी बल बोर्डर आउट पोष्ट पजरकट्टीबाट खटिएको एपीएफ टोलीले उक्त चल्ला बरामद गरेको हो । भारतबाट अवैध रुपले नेपालतर्फ ल्याउँदै गरेको अवस्थामा करीव तीन हजार नौ सय वटा कुखुराको चल्ला एपीएफ टोलीले त्यसवेला बरामद गरेको हो । एपीएफ टोलीले बरामद चल्ला स्थानीय पशुक्वारेन्टाइन कार्यालयका कर्मचारी, स्थानीय प्रहरी तथा स्थानीय वासिन्दाको रोहवरमा नष्ट गरेको छ ।